Genesỳ

Toko faha-10

¹⁶ razamben'ireto foko ireto: dia ny Jebosita sy ny Amorita, ny Girgasita

¹⁷ sy ny Hivita, ny Harkita sy ny Sinita,

¹⁸ ny Arvadita sy ny Tsemarita ary ny Hamatita. Taorian'izany dia niparitaka ireo foko kanahanita,

¹⁹ ka ny faritaniny dia nanomboka hatreo Tsidona mihazo an'i Gerara ka hatrany Gaza, ary mankany Sodoma sy Gomora ary Adma sy Tseboima ka hatrany Lesa.

²⁰ Ireo no zanakalahin'i Hama voatsinjara araka ny fokony sy ny fiteniny avy, ary ao amin'ny taniny sy ny fireneny avy.

²¹ I Sema zokin'i Jafeta dia mba niteraka ihany koa, fa izy no razamben'i Hebera sy ny taranany.

²² Ny zanakalahin'i Sema dia i Helama sy i Asora, i Arpaksada sy i Loda ary i Arama.

²³ Ny zanakalahin'i Arama dia i Hotsa sy i Hola ary i Getera sy i Masa.

²⁴ I Arpaksada no rain'i Sela, ary i Sela no rain'i Hebera.

²⁵ I Hebera dia nanan-janaka roa lahy: ny anankiray dia nantsoina hoe Pegela na Fizarana satria tamin'ny androny no nizara ny mponina teto an-tany, ary ny rahalahiny kosa dia nantsoina hoe Joktana.

²⁶ I Joktana no rain-dry i Almodada sy i Selefa, i Hatsarmavety sy i Jera,

²⁷ i Hadorama sy i Ozala, i Dikla

²⁸ sy i Hobala, i Abimaela sy i Seba,

²⁹ i Ofira sy i Havila, ary i Jobaba. Ireo rehetra ireo no zanakalahin'i Joktana.

³⁰ Ny fonenan'izy ireo dia manomboka eo Mesa ka hatrany amin'ny tendrombohitra atsinanana mankany Sefara.

³¹ Ireo no zanakalahin'i Sema voatsinjara araka ny fokony sy ny fiteniny avy, ary ao amin'ny taniny sy ny fireneny avy.

³² Ireo no foko avy amin'ny zanakalahin'i Noa araka ny lisitry ny taranany isaky ny fireneny avy. Avy amin'ireo no niavian'ny firenena rehetra niparitaka eran-tany taorian'ny safo-drano.

Toko faha-11

¹ Fiteny iray ihany ary voambolana mitovy no nampiasaina tamin'ny tany tontolo.

² Saingy rehefa nikisaka niantsinanana ny olona, dia nahita l Saingy rehefa nikisaka niantsinanana ny olona, dia nahita lemaka tao amin'ny tany Sinehara ary niorim-ponenana tao.

³ Dia nifampiresaka izy ka nanao hoe: Andao isika hanao biriky tanimanga ka handotra azy amin'ny afo. Ny biriky no nataony solon'ny vato ary ny molanga no nataony solon'ny rihitra.

⁴ Avy teo dia hoy koa ireo hoe: Andeha isika hanorina tanana misy tilikambo mahatakatra ny lanitra ny tendrony! Amin'izay dia halaza isika ka tsy hiparitaka amin'ny velaran'ny tany.

⁵ Dia nidina avy any an-danitra ny TOMPO mba hijery ny tanana sy ny tilikambo izay naorin'ny zanak'olombelona.

⁶ Ka hoy IZY hoe: Indro ankehitriny fa firenena iray ihany izy rehetra ary fiteny tokana ihany no ampiasainy. Raha izany no fiandohan-javatra hataony, dia tsy hisy hahasakana azy tsy hahatanteraka izay kasainy.

⁷ Koa andeha isika hidina hanakorontana ny fiteniny mba tsy hifankahazoany fiteny intsony.

⁸ Koa tao ny TOMPO no nampiely ny olona ho amin'ny velaran'ny tany tontolo; ary dia nilaozan'ireo ny fananganana ilay tanana.

⁹ Izany no niantsoana io tanana io hoe Babela, satria tao no nanakorontanan'ny TOMPO ny fitenin'ny olona, ary tao no nampielezany ny olona ho amin'ny velaran'ny tany tontolo.

¹⁰ Toy izao no lisitry ny taranak'i Sema. Efa feno zato taona i Sema raha niteraka an'i Arpaksada, roa taona taorian'ny safo-drano. Taorian'ny nahaterahan'i Arpaksada,

¹¹ dia mbola velona dimanjato taona i Sema, ary niteraka zanakalahy sy zanakavavy hafa koa.

¹² Rehefa feno 35 taona i Arpaksada, dia niteraka an'i Sela.

¹³ Taorian'ny nahaterahan'i Sela, dia mbola velona 403 taona i Arpaksada ary niteraka zanakalahy sy zanakavavy hafa koa.

¹⁴ Rehefa feno 30 taona i Sela, dia niteraka an'i Hebera.

¹⁵ Taorian'ny nahaterahan'i Hebera dia mbola velona 403 taona i Sela, ary niteraka zanakalahy sy zanakavavy hafa koa.

¹⁶ Rehefa feno 34 taona i Hebera, dia niteraka an'i Pelega.

¹⁷ Taorian'ny nahaterahan'i Pelega, dia mbola velona 430 taona i Hebera, ary niteraka zanakalahy sy zanakavavy hafa koa.

¹⁸ Rehefa feno 30 taona i Pelega dia niteraka an'i Reho.

¹⁹ Taorian'ny nahaterahan'i Reho dia mbola velona 209 taona i Pelega, ary niteraka zanakalahy sy zanakavavy hafa koa.

²⁰ Rehefa feno 32 taona i Reho, dia niteraka an'i Seroga.

²¹ Taorian'ny nahaterahan'i Seroga, dia mbola velona 207 taona i Reho, ary niteraka zanakalahy sy zanakavavy hafa koa.

²² Rehefa feno 30 taona i Seroga, dia niteraka an'i Nahora.

²³ Taorian'ny nahaterahan'i Nahora, dia mbola velona 200 taona i Seroga, ary niteraka zanakalahy sy zanakavavy hafa koa.

²⁴ Rehefa feno 29 taona i Nahora, dia niteraka an'i Tera.

²⁵ Taorian'ny nahaterahan'i Tera, dia mbola velona 119 taona i Nahora, ary niteraka zanakalahy sy zanakavavy hafa koa.

²⁶ Rehefa feno 70 taona i Tera, dia niteraka telo lahy dia i Abrama sy i Nahora ary i Harana.

²⁷ Ireto avy no taranak'i Tera, rain'i Abrama sy i Nahora ary i Harana. I Harana dia niteraka an'i Lota,

²⁸ ary maty tao amin'ny tany nahaterahany tao Ora any Babilonia izy fony fahavelon'i Tera rainy.

²⁹ Nanambady an'i Saray i Abrama; ary i Nahora kosa nanambady an'i Milka zanakavavin'i Harana. I Harana koa no rain'i Milka sy i Jiska.

³⁰ Ary i Saray dia tsy niteraka fa momba.

³¹ Ary nentin'i Tera i Abrama zanany lahy sy i Lota zafikeliny sady zanakalahin'i Harana. Nentiny koa i Saray vinantovaviny, vadin'i Abrama. Dia niala tao Ora any Babilonia ireo ka nankany amin'ny tany Kanahana. Tonga hatrany Harana  izy ary nonina tao.

³² Ary maty tao Harana i Tera, rehefa feno 205.

Toko faha-12

¹ Hoy ny TOMPO tamin'i Abrama: -Miala amin'ny taninao sy ny fianakavianao ary ny tranon-drainao ka mankanesa any amin'ny tany izay hasehoko anao.