1 Tantara

Toko faha-4

²⁸ Mandra-panjakan'i Davida , dia ireto no tanana nonenan'ny taranak'i Simehona: i Beera-Seba sy i Molada, i Hatsary-Sohala

²⁹ i Bahala, i Hetsema sy i Tolada,

³⁰ i Betoela sy i Horma, i Tsiklaga

³¹ sy i Bety-Markabota, i Hatsary-Sosima sy i Bety-Biry ary i Saharaima

³² mbamin'ireo tanana kely momba azy avy. Teo koa ireto tanana dimy ireto: dia i Hetama sy i Haina, i Rimona sy i Tokena ary i Hasana

³³ mbamin'ny tanana kely rehetra manodidina ireo tanana ireo hatrany Bahalato. Ireo no toeram-ponenan'ny taranak'i Simehona ary samy nanana ny tantaram-pirazanana manokana izy.

³⁴ Ireto voatonona anarana ireto no filoha teo amin'ny tarika nisy azy avy: i Mesobaba sy i Jameleka, i Josa zanakalahin'i Amatsia, i Joela, i Jeho ilay zanakalahin'i Josibeia sy zafin'i Seraia ary zafiafin'i Hasiela, i Eliohenay sy i Jahakoba, i Jesohaia, i Hasaia sy i Hadiela mbamin'i Jesimiela sy i Benaia ary i Ziza ilay zanakalahin'i Sifehy sy zafin'i Alona sy zafiafin'i Jedaia sy zafin-dohalik'i Simry ary zafin-kitrokelin'i Semahia. Samy nihamaro fatratra ny fianakaviany,

³⁹ ka nandeha nankany akaikin'i Gedora, dia hatrany atsinanan'ny lohasaha mba hitady ahitra ho an'ny andian'ondriny.

⁴⁰ Koa nahita ahitra milenodenoka sady tsara izy ireo ary midadasika ny tany sady milamina feizay; taranak'i Hama nomponina tao taloha.

⁴¹ Tamin'ny andron'i Hezekia mpanjakan'i Joda no tonga tao ireo filohan-tarika voasoratra anarana ireo ka namely ny tranolay sy ny toby fiarovana hitany tao ary nandringana ny taranak'i Hama ; dia nonina tao nisolo toerana azy mandraka androany, satria nisy ahitra ho an'ny andian'ondriny tao.

⁴² Ary tamin'ny taranak'i Simehona dia nisy lehilahy dimanjato notarihin'i Pelatia sy i Neharia ary i Refaia sy i Hoziela izay samy zanakalahin'i Jisehy; nankany an-tendrombohitr'i Sehira ireo,

⁴³ ka namely ny Hamalekita sisa afa-nandositra, dia nonina tany mandraka androany.

Toko faha-5

¹ I Reobena no lahimatoan'i Jakoba , satria izy no voalohan-terany; kanefa tamin'ny nandotoan'i Reobena ny vadikelin-drainy, dia nomena an'i Josefa zanakalahin'i Jakoba ny fizokiany, ka tsy voasoratra ho zokiny tao amin'ny tetiarana intsony i Reobena.

² I Joda no nahery indrindra teo amin'izy mirahalahy avy, ka izy no nipoiran'ilay ho tonga mpanjakan'i Israely; nefa ny fizokiana dia an'i Josefa ihany.

³ Ny zanakalahin'i Reobena, lahimatoan'i Jakoba, dia i Hanoka sy i Palo ary i Hetsirona sy i Karmy.

⁴ Taranak'i Joela : i Semahia zanakalahin'i Joela, i Goga zanakalahin'i Semahia, i Simehy zanakalahin'i Goga,

⁵ i Mika zanakalahin'i Simehy, i Reaia zanakalahin'i Mika, i Bahala zanakalahin'i Reaia,

⁶ ary i Beera zanakalahin'i Bahala; io Beera io, izay nentin'i Tiglato-Pilesera mpanjakan'i Asiriaho babo, no filohan'ny Reobenita.

⁷ Ny rahalahin'i Beera, araka ny fianakaviany avy, dia voasoratra ao amin'ny bokin'ny taranany; ka ny voalohany dia i Jehiela, ny manaraka dia i Zakaria,

⁸ ny farany dia i Bela izay zanakalahin'i Hazaza sy zafin'i Sema ary zafiafin'i Joela. Ny Reobenita dia nonina ny faritra hatreo Harohera ka hatrany amin'ny tendrombohitra Nebao sy hatrany Bahala-Mehona,

⁹ tany atsinanana dia nonina hatrany akaikin'ny taniefitra izay nampisaraka azy amin'ny ony Eofrata izy ireo, fa nihamaro be ny biby fiompy tao amin'ny faritany Gilehada.

¹⁰ Tamin'ny andron'i Saoly no niady tamin'ny Hagrita ny Reobenita ka nandresy azy; avy eo, dia nanorin-dasy manerana ny ilany atsinanana amin'i Gilehada.

¹¹ Ny taranak'i Gada dia nonina tandrifin'ny Reobenita tao amin'ny faritany Basanaka hatrany Salka:

¹² tao Basana dia ry i Joela no voalohany, ry i Safana no faharoa, ary ny manaraka dia ry i Jahenay sy ry i Safata.

¹³ Fito ny rahalahin'ireo, araka ny fianakaviany avy, dia Mikaela sy i Mesolama, i Seba sy i Joray mbamin'i Jahikano sy i Ziaary i Hebera:

¹⁴ ireo no zanakalahin'i Abihaila ilay zanakalahin'i Hory sy zafin'i Jaroasy zafiafin'i Gilehada sy zafin-dohalik'i Mikaela sy zafin-kitrokelin'i Jesisay sy zafim-paladian'i Jehidao ary zafin-dorian'i Boza.

¹⁵ I Ahy zanakalahin'i Habdiela sy zafin'i Gony no filohan'ireo fianakaviana ireo.

¹⁶ Ny taranak'i Gada dia nonina tao Gilehada sy Basana mbamin'ny faritra miankina aminy sy ny kijana rehetra any Siriona mipaka hatrany amin'ny sisiny farany lavitra indrindra.

¹⁷ Ireo taranak'i Gada rehetra ireo dia voasoratra tanaty boky avokoa tamin'ny andron'i Jotama mpanjakan'i Joda sy tamin'ny andron'i Jerobohama mpanjakan'i Israely.

¹⁸ Ny Reobenita sy ny Gadita ary ny antsasaky ny fokon'i Manase dia nisy lehilahy mahery, havanana mitana ampinga aman-tsabatra sy mandefa tsipika sady zatra ady: 44.760 no isan'ireo vonon-kiantafika.

¹⁹ Dia niady tamin'ny Hagrita sy tamin'ny taranak'i Jetora sy i Nafisa ary i Nodaba ry zareo.

²⁰ Nitaraina tamin'Andriamanitra izy nandritra ny ady, ka nohenoin'Andriamanitra satria natoky Azy; dia novonjeny ary voatolotra ho eo an-tanany ny Hagrita sy izay rehetra mpomba azy.

²¹ Nataony babo ny biby fiompiny (dia rameva 50 000, ondry aman'osy 250.000, boriky roa arivo) ary koa olona antokony zato.

²² Marobe ny fahavalo maty niampatrampatra satria avy amin'Andriamanitra ny ady. Ary nipetraka nisolo toerana ny Hagrita ry zareo mandra-pahatongan'ny fahababoana.

²³ Ny antsasaky ny fokon'i Manase dia nonina ny faritra hatreo Basana ka hatrany Bahala-Hermona sy Senira ary ny tendrombohitra Hermona; nihamaro be izy ireo.

²⁴ Ny loham-pianakaviany dia i Hefera sy i Jisehy, i Eliela sy i Hazriela mbamin'i Jeremia sy i Hodavia ary i Jahediela: lehilahy mahery sy olo-malaza ireo sady samy lohan'ny fianakaviany avy.

²⁵ Ny Reobenita sy ny Gadita ary ny antsasa-pokon'i Manase dia nivadika tamin'ilay Andriamanitry ny razany ka nanompo ny andriamani-kafan'ny firenena tompon-tany izay efa naringan'Andriamanitra teo anoloany.

²⁶ Dia nampirisihin'ilay Andriamanitr'i Israely i Pola sy i Tiglato-Pilesera samy mpanjakan'i Asiria, ka nobaboin'ireo ny Reobenita sy ny Gadita ary ny antsasaky ny fokon'i Manase sady nentiny tany Hala sy Habora sy Hara ary tany amoron'ny ony Gozana , ka mbola any ireo mandraka androany.

²⁷ Ny zanakalahin'i Levy dia i Gersona sy i Kehata ary i Merary.

²⁸ Ny zanakalahin'i Kehata dia i Hamrama sy i Jitsehara ary i Hebrona sy i Hoziela.

²⁹ Ny zanakalahin'i Hamrama dia i Aharona sy i Mosesy; ary ny zanakavaviny dia i Miriama. Ny zanakalahin'i Aharona dia i Nadaba sy i Abiho ary i Elehazara sy i Itamara.

³⁰ I Elehazara no ray niteraka an'i Pinehasa; i Pinehasa, ray niteraka an'i Abisoa,

³¹ i Abisoa, ray niteraka an'i Boky; i Boky, ray niteraka an'i Hozy,

³² i Hozy, ray niteraka an'i Zerahia; i Zerahia, ray niteraka an'i Meraiota,

³³ i Meraiota, ray niteraka an'i Amaria; i Amzaria, ray niteraka an'i Ahitoba;

³⁴ i Ahitoba, ray niteraka an'i Tsadoka; i Tsadoka, ray niteraka an'i Ahimahatsa;

³⁵ i Ahimahatsa, ray niteraka an'i Hazaria; i Hazaria, ray niteraka an'i Johanana,

³⁶ i Johanana, ray niteraka an'i Hazaria (ity Hazariaity no nanao fisoronana tao amin'ny tempoly izay naorin'i Salomona tao Jerosalema);

³⁷ i Hazaria, ray niteraka an'i Amaria; i Amaria, ray niteraka an'i Ahitoba;

³⁸ i Ahitoba, ray niteraka an'i Tsadoka; i Tsadoka, ray niteraka an'i Saloma,