1 Tantara
Toko faha-3
1 Ireto no zanakalahy naterak'i Davida tao Hebrona: ny lahimatoa dia i Amnona, zanakalahin'i Ahinohama avy any Jizrehela; ny faharoa dia i Daniela, zanakalahin'i Abigaila avy any Karmela;2 ny fahatelo dia i Absaloma, zanalahin'i Maheka izay zanakavavin'i Talmay mpanjakan'i Gesora; ny fahefatra dia i Adonia, zanakalahin'i Hagita;
3 ny fahadimy dia i Sefatia, zanakalahin'i Abitela; ny fahenina dia i Jitrehama, zanakalahin'i Hegla vadin'i Davida koa.
4 Ireo enina ireo no naterak'i Davida tao Hebrona izay nanjakany fito taona sy enim-bolana. Avy eo dia nanjaka telo amby telopolo taona tao Jerosalema i Davida.
5 Ireto kosa no naterany tao Jerosalema: i Simeha sy i Sobaba ary i Natana sy i Salomona, ka ity fahefatra ity no tamin'i Baty-Seba zanakavavin'i Hamiela;
6 ary sivy hafa koa, dia i Jibehara sy i Elisoa, i Elpeleta
7 sy i Noga, i Nefega sy i Jafia
8 mbamin'i Elisama sy i Eliada ary i Elifelety.
9 Izy rehetra ireo no zanakalahin'i Davida, afa-tsy ny zanaky ny vadikeliny; ary i Tamara no anabavin'ireo.
10 Taranak'i Salomona: i Rehabohama zanakalahin'i Salomona, i Abia zanakalahin-dRehabohama, i Asa zanakalahin'i Abia, i Josafata zanakalahin'i Asa,
11 i Jorama zanakalahin'i Josafata, i Ahazia zanakalahin'i Jorama, i Joasy zanakalahin'i Ahazia,
12 i Amatsia zanakalahin'i Joasy, i Hazaria zanakalahin'i Amatsia, i Jotama zanakalahin'i Hazaria,
13 i Ahaza zanakalahin'i Jotama, i Hezekia zanakalahin'i Ahaza, i Manase zanakalahin'i Hezekia,
14 i Amona zanakalahin'i Manase, ary i Josia zanakalahin'i Amona.
15 Ny zanakalahin'i Josia dia i Johanana no lahimatoa, i Joiakima no faharoa, i Tsedekia no fahatelo, ary i Saloma no fahefatra.
16 Ny zanakalahin'i Joiakima dia i Jekonia sy i Tsedekia.
17 Ireo zanakalahin'i Jekonia, ilay lasan-ko babo tany Babilona, dia i Sealtiela
18 sy i Malkirama, i Pedaia sy i Senatsara mbamin'i Jekamia sy i Hosama ary i Nedabia.
19 Ny zanakalahin'i Pedaia dia i Zerobabela sy i Simehy; ny zanak'i Zerobabela dia i Mesolama sy i Hanania mirahalahy, i Selomita anabaviny,
20 ary dimy lahy hafa koa: dia i Hasoba sy i Ohela mbamin'i Berekia sy i Hasadia ary i Josaba-Heseda.
21 Ny taranak'i Hanania dia i Pelatia sy i Jesahia mbamin'ireo zanakalahin-dry i Refaia sy i Arnana ary i Hobadia sy i Sekania.
22 Ny zanakalahin'i Sekania dia enina: i Semahia sy i Hatosa, i Jigala sy i Baria ary i Neharia sy i Safata.
23 Ny zanakalahin'i Neharia dia telo: i Eliohenay sy i Hezekia ary i Hazrikama.
24 Ny zanakalahin'i Eliohenay dia fito: i Hodavia sy i Eliasiba, i Pelaia sy i Hakoba mbamin'i Johanana sy i Delaia ary i Hanany.
Toko faha-4
1 Ny zanakalahin'i Joda dia i Peretsa sy i Hetsirona mbamin'i Karmy sy i Hora ary i Sobala.2 I Reaia, zanakalahin'i Sobala, no ray niteraka an'i Jahata; ary i Jahata no ray niteraka an'i Ahomay sy i Lahada: izy mirahalahy ireto no razamben'ny tarika Tsorehatita.
3 Ireto no zanakalahin'i Hora, lahimatoan'i Efrata sady mpanorina an'i Betlehema: i Natama sy i Jizrehela ary i Jisma sy i Jidbasa; ny anabavin'izy efa-dahy kosa atao hoe Hatselpony; ao koa i Penoela mpanorina an'i Gedora, ary i Hezera mpanorina an'i Hosa.
5 I Asehora, mpanorina an'i Tekoa, dia nanana vady roa: i Hela sy i Nahara.
6 I Nahara no reny niteraka an'i Ahozama sy i Hefera ary i Temeny sy i Ahastary; ireo no zanakalahin'i Nahara.
7 Ny zanakalahin'i Hela kosa dia i Tsereta sy i Tsohara ary i Etnana.
8 I Kotsa no ray niteraka an'i Hanoba sy i Tsobeba; ary izy koa no razamben'ny tarik'i Aharihela, zanakalahin'i Haroma.
9 Nisy atao hoe Jahebetsy, izay nalaza kokoa noho ireo rahalahiny. Ny reniny no nanome ny anarany hoe Jahebetsy satria hoy izy: Zoim-pahoriana aho, raha niteraka azy.
10 Ary niantso an'ilay Andriamanitr'i Israely i Jahebetsy ka nanao hoe: Enga anie hotahinao tokoa aho, ka hohalalahinao ny taniko; ary aoka ny tananao homba ahy, ka hataonao lavitra ahy ny loza mba tsy ho zoim-pahoriana aho! Dia nohenoin'Andriamanitra izay nangatahiny.
11 I Keloba, rahalahin'i Siha, no ray niteraka an'i Mehira izay rain'i Estona.
12 Ary i Estona no ray niteraka an'i Bety-Rafa sy i Pasea ary i Tehina; ity Tehina ity no mpanorina ny tananan'i Nahasa. Ny taranak'ireo no mponina tao Reka.
13 Ny zanakalahin'i Kenaza dia i Hotniela sy i Seraia; ary ny zanakalahin'i Hotniela dia i Hatata sy i Mehonotahy.
14 I Mehonotahy no ray niteraka an'i Hofra; ary i Seraia no ray niteraka an'i Joaba razamben'ny ao Geharasima na hoe Lohasahan'ny mpiasa, fa mpiasa izy ireo.
15 Ireo zanakalahin'i Kaleba zanakalahin'i Jefone dia i Hiro sy Ela ary i Nahama; ary ny zanakalahin'i Ela dia i Kenaza.
16 Ny zanakalahin'i Jehalaleela dia i Zifa sy i Zifa ary i Tiria sy i Asarela.
17 Ny zanakalahin'i Hezra dia i Jetera sy i Mereda ary Hefera sy i Jalona. Ary nanambady an'i Bitia, zanakavavin'ny Farao, i Mereda, ka niteraka an'i Miriama sy i Samay ary i Jisba ilay mpanorina an'i Estemoa;
18 ary i Jehodia, vadiny hafa koa, dia niteraka telo mirahalahy: i Jereda mpanorina an'i Gedora, i Hebera mpanorina an'i Sokao, ary i Jekotiela mpanorina an'i Zanoa.
19 Ny anabavin'i Nahama no vadin'i Hodia; ireo zanakalahin-dravehivavy dia ilay mpanorina ny tanana Kehila izay an'ny Garmita sy ilay mpanorina ny tanana Estemoa izay an'ny Mahekatita.
20 Ny zanakalahin'i Simona dia i Amnona sy i Rina ary i Bena-Hanana sy i Tilona. Taranak'i Jisehy: i Zoheta sy ilay zanakalahin'i Zoheta.
21 Taranak'i Sela, zanakalahin'i Joda : i Hera mpanorina an'i Leka; i Laheda mpanorina an'i Maresa; ireo tarika mpanenona lamba rongony tao Bety-Asbea;
22 i Jokima sy ny mponina tao Kozeba; ary i Joasy sy i Sarafa, izay samy nanambady vehivavy moabita vao niverina nonina tao Betlehema: zavatra efa tranainy izany.
23 Ny taranak'izy mirahalahy no mpanefy vilany sady mponina tao Netahima sy Gedera ; tamin'ny alalan'ny mpanjaka no nonenany tao satria asa ho an'ny mpanjaka no nataony.
24 Ny zanakalahin'i Simehona dia i Nemoela sy i Jamina mbamin'i Jariba sy i Zera ary i Saoly.
25 I Saloma no zanakalahin'i Saoly, i Mibsama zanakalahin'i Saloma, i Misma zanakalahin'i Mibsama.
26 Ny zanakalahin'i Misma dia i Hamoela sy i Jakora ary i Simehy.
27 I Simehy dia nanana zanakalahy 16 sy zanakavavy enina, fa ireo rahalahiny kosa tsy nisy niteraka zanakalahy maro; koa ny fokon'i Simehona manontolo dia tsy nitombo hoatra ny taranak'i Joda.