Genesỳ

Toko faha-41

⁵¹ Nantsoin'i Josefa hoe Manase ny lahimatoa, fa hoy izy hoe Nampanadinoin'Andriamanitra ahy ny fahoriako rehetra mbamin'izay rehetra any an-tranon'ny raiko.

⁵² Nantsoiny hoe Efraima kosa ny faharoa, fa hoy izy hoe: Andriamanitra efa nampahamaro anaka ahy teto amin'ity tany nijalijaliako ity.

⁵³ Nifarana ny fito taona zina tany Ejipta;

⁵⁴ ary nanomboka kosa ny fito taona mosarena, araka izay efa voalazan'i Josefa. Nihatra tamin'ny tany rehetra ny mosary; fa nanerana an'i Ejipta kosa nisy tahirim-bokatra.

⁵⁵ Nony nanomboka mosarena ny tany Ejipta manontolo, dia nitaraina sakafo tany amin'ny Farao ny vahoaka; ka hoy ny Farao tamin'ny Ejiptianina rehetra: Mankanesa any amin'i Josefa, ka ataovy izay holazainy aminareo.

⁵⁶ Ary rehefa nanenika an'i Ejipta manontolo ny mosary, dia nasain'i Josefa novohana ny fitahirizam-bokatra mba hivarotana vary amin'ny Ejiptianina, satria namely mafy ny mosary manerana an'i Ejipta.

⁵⁷ Tonga tany Ejipta koa ireo avy any amin'ny tany hafa rehetra mba hividy vary amin'i Josefa, satria efa namely mafy ny mosary manerana ny tany.