1 Tantara
Toko faha-2
1 Ireto no zanakalahin'i Israely: i Reobena sy i Simehona, i Levy sy i Joda, i Jisakara sy i Zebolona,2 i Dana sy i Josefa, i Benjamina sy i Naftaly ary i Gada sy i Asera.
3 Ny zanakalahin'i Joda dia i Hera sy i Onana ary i Sela: izy telo lahy no naterak'ilay Kanahanita vadiny, dia ny zanakavavin'i Soha. Ary ratsy fanahy teo imason'ny TOMPO i Hera, lahimatoan'i Joda, ka novonoin'ny Tompo ho faty.
4 I Tamara vinantovavin'i Joda kosa niterahany an'i Peretsa sy i Zera; noho izany, dia dimy ny zanakalahin'i Joda rehetra.
5 Ny zanakalahin'i Peretsa dia i Hetsirona sy i Hamola.
6 Ny zanakalahin'i Zera dia i Zimry sy i Etana, i Hemana sy i Kalkola ary i Dara: dimy izy rehetra.
7 Ny zanakalahin'i Karmy dia i Hakana izay nampidi-doza an'i Israely tamin'ny nandikany ny didy momba ny zavatra natokana ho an'Andriamanitra.
8 Ny zanakalahin'i Etana dia i Hazaria.
9 Ary ny zanakalahy naterak'i Hetsirona dia i Jerahimeela sy i Rama ary i Kelobay na Kaleba.
10 I Rama no ray niteraka an'i Haminadaba; i Haminadaba no ray niteraka an'i Nahasona izay filohan'ny taranak'i Joda.
11 I Nahasona no ray niteraka an'i Salma; i Salma no ray niteraka an'i Bohaza.
12 I Bohaza no ray niteraka an'i Hobeda; i Hobeda no ray niteraka an'i Jese;
13 ary i Jese no ray niteraka azy fito mirahalahy ireto: dia i Eliaba sy i Abinadaba, i Simeha
14 sy i Natanaela, i Raday
15 sy i Otsema ary i Davida.
16 Ny anabavin'izy fito lahy dia i Tseroia sy i Abigaila; telo no zanakalahin'i Tseroia: dia i Abisay sy i Joaba ary i Hasahela.
17 Ary i Abigaila no reny niteraka an'i Hamasa, ka i Jetera izay Jismahelita no rainy.
18 I Kaleba, zanakalahin'i Hetsirona, niteraka tamin'i Hazoba vadiny: dia zanakavavy atao hoe Jerihota, ary zanakalahy atao hoe Jesera sy Sobaba ary Ardona.
19 Ary rehefa maty i Hazoba, dia i Efrata no nalain'i Kaleba ho vadiny; ary io no niterahany an'i Hora.
20 I Hora no ray niteraka an'i Ory; ary i Ory no ray niteraka an'i Betsalela.
21 Ary rehefa feno enimpolo taona i Hetsirona, dia nalainy ho vady ny zanakavavin'i Makira rain'i Gilehada ka niterahany an'i Segoba.
22 I Segoba no ray niteraka an'i Jairo izay nanana tanana telo amby roapolo tao amin'ny tanin'i Gilehada.
23 Fa nalain'ny Gesorita sy ny Sirianina ireo tananan'i Jairo miaraka amin'i Kenata renivohitra sy ny tanana kely manodidina azy; tanana enimpolo no fitambarany. Ny mponina rehetra tamin'ireo tanana ireo dia taranak'i Makira, rain'i Gilehada.
24 Taorian'ny nahafatesan'i Hetsirona izay nanambady an'i Abia, dia niray tamin'i Efrata indray i Kaleba; ka i Efrata no niterahany an'i Asehora mpanorina an'i Tekoa.
25 Ireo zanakalahin'i Jerahimeela, lahimatoan'i Hetsirona, dia i Rama lahimatoa sy i Bona mbamin'i Orena sy i Otsema ary i Ahia.
26 Nanana vady hafa koa i Jerahimeela, i Hatara no anarany, ary izy no renin'i Onama.
27 Ny zanakalahin'i Rama, lahimatoan'i Jerahimeela, dia i Mahatsa sy i Jamina ary i Hekera.
28 Ny zanakalahin'i Onama dia i Semay sy i Jada; ny zanakalahin'i Samay kosa dia i Nadaba sy i Abisora.
29 Ny anaran'ny vadin'i Abisora dia i Abihaila; izy no reny niteraka an'i Ahebana sy i Molida.
30 Ny zanakalahin'i Nadaba dia i Seleda sy i Apaima; fa maty tsy niteraka i Seleda.
31 Ny zanakalahin'i Apaima dia i Jisehy; ny zanakalahin'i Jisehy dia i Sesana; ary ny zanakalahin'i Sesana dia i Ahelay.
32 Ny zanakalahin'i Jada, rahalahin'i Samay, dia i Jetera sy i Jonatana; fa maty tsy niteraka i Jetera.
33 Ary ny zanakalahin'i Jonatana dia i Peleta sy i Zaza. Ireo avy no taranak'i Jerehimeela.
34 Tsy nisy zazalahy ny zanak'i Sesana fa zazavavy avokoa. I Sesana kosa nanana mpanompo ejiptianina iray: i Jareha no anarany.
35 Koa nomen'i Sesana ho vadin'i Jareha mpanompony ny zanany vavy anankiray ka niteraka an'i Hatahy.
36 Ary i Hatahy no ray niteraka an'i Natana; i Natana, ray niteraka an'i Zabada;
37 i Zabada, ray niteraka an'i Epelala; i Epelala, ray niteraka an'i Hobeda;
38 i Hobeda, ray niteraka an'i Jeho; i Jeho, ray niteraka an'i Hazaria;
39 i Hazaria, ray niteraka an'i Heletsa; i Heletsa, ray niteraka an'i Elehasa;
40 i Elehasa, ray niteraka an'i Sisemay; i Sisemay, ray niteraka an'i Saloma;
41 i Saloma, ray niteraka an'i Jekamia; ary i Jekamia no ray niteraka an'i Elisama.
42 Ireo zanakalahin'i Kaleba, rahalahin'i Jerahimeela, dia i Mesa, lahimatoa sady rain'i Zifa, ary i Maresa rain'i Hebrona.
43 Ny zanakalahin'i Hebrona dia i Kora sy i Tapoa ary i Rekema sy i Sema.
44 I Sema no ray niteraka an'i Rahama izay rain'i Jorkehama. I Rekama no ray niteraka an'i Samay;
45 ny zanakalahin'i Samay dia i Mahona; ary i Mahona no mpanorina an'i Bety-Tsoro.
46 I Hefa, vadikelin'i Kaleba, no reny niteraka an'i Harana sy i Motsa ary i Gazeza. I Harana no ray niteraka an'i Jaheday;
47 ary ny zanakalahin'i Jaheday dia i Regema sy i Jotama, i Gesana sy i Peleta ary i Hefa sy i Sahafy.
48 I Maheka, vadikelin'i Kaleba, no reny niteraka an'i Sebera sy i Tirehana;
49 izy ihany koa no reny niteraka an'i Sahafy mpanorina an'i Madmena sy niteraka an'i Seva mpanorina an'i Makbena sy i Gibeha; ary ny zanakavavin'i Kaleba dia i Haksa.
50 Ireto koa mbola taranak'i Kaleba: ireo zanakalahin'i Hora, lahimatoan'i Efrata, dia i Sobala mpanorina an'i Kiriata-Jeharima,