Tôbita
Toko faha-3
1 Nalahelo mafy aho ka velon-tsento sy rotsa-dranomaso; avy eo dia mbola nisentosento hatrany aho no rafitra nivavaka hoe:2 "TOMPO o, mpandala ny rariny Ianao, ka ara-drariny avokoa ny asanao. Feno indrafo sy azo antoka ny sori-dalanao; Ianao no mpitsara izao tontolo izao.
3 Koa ankehitriny, TOMPO o, mba tsarovy aho ary mba tsinjovy. Aza amaizanao ahy ny fahotakona ny hadisoana nataon'ny tenako sy ireo razako, dia ny hadisoana nanoheranay Anao.
4 Tsy nankato ny didinao izahay, ka navelanao hiharan'ny fandrobana sy ny fahababoana mbamin'ny fahafatesana; navelanao ho fihomehezana izahay ary koa ho fandatsa sy ho fanevateva teo amin'ny firenena rehetra nanelezanao anay.
5 Eny, TOMPO o, marina ny fitsaranao rehetra rehefa faizinao aho noho ny fahotanaizay nataon'ny tenako sy ireo razako; satria tsy nanatanteraka ny didinao izahay ary tsy nizotra ara-pahamarinana teo anatrehanao.
6 Ankehitriny kosa ataovy izay sitrakao amiko. Aoka mba halainao ny aiko, hany ka ho fongotra eto an-tany aho ary ho tonga vovoka indray ! Tsara kokoa amiko ny ho faty noho ny ho velona, satria fanevatevana ahy tsy an-drariny no rekosady alahelo goavana no manototra ahy.Tompo o, mba afaho amin'izao fahoriako izao aho, ary avelao hiditra any amin'ny fonenana mandrakizay; Tompo o, aza ahodina tsy hiatrika ahy ny endrikao. Tsara kokoa amiko ny ho faty noho ny hianjadiam-pahoriana goavana amin'ny androm-piainako sy handre ny tenako voatevateva. "
7 Androtr'io ihany koa, dia izao no nihatra tamin'i Sara zanakavavin'i Ragoela sady nipetraka tao Ekbatana, tananan'i Media. Nandre ny mpanompovaviny nanevateva azy koa i Sara tamin'izay.
8 Lehilahy fito manko no efa samy namoahana an'i Sara hovady; saingy mbola tsy naka ity vavy hiray trano akory izy araka ny adidin'ny lahy amim-bady, dia nisy demony mahatsiravina atao hoe Hasmodeo namono nahafaty azy. Ka hoy ity mpanompovavy tamin'i Sara: -Ianao mihitsy no mamono mahafaty ny vadinao! Lehilahy fito no efa namoahana anao, kanefa tsy nisy nentinao anarana akory na iray aza.
9 Nahoana no mampijaly anay ianao amin'ireo vadinao efa maty ireo? Ndeha ianao mitambatra aminy; ary aoka avy aminao tsy hahitana zazalahy na zazavavy na oviana na oviana!
10 Nalahelo fatratra i Sara tamin'io andro io, rehefa nandre izany teny izany; ka sady nitomany izy no niakatra nankao amin'ilay efitrano ambony rihana tamin'ny tranon-drainy ary nikasa hananton-tena. Kanefa nandinika izy ary niteny anakampo hoe: "Tsy hotevatevain'ny olona ve ny raiko ka hilazany hoe: "Zanakavavy tokana nankamamina no mba nanananao, kanefa dia nananton-tena noho ny fahoriana nanjoazy!" Ny alahelo hianjady amin'ilay raiko efa antitra dia hampidina azy any am-pasana. Toy izay aho hanaton-tena, dia tsarako koa amiko ny mitalaho amin'ny TOMPO mba hamela ahy ho faty; ary dia tsy handre fanevatevana toy ny amin'izao androm-piainako izao intsony aho."
11 Teo no ho eo ihany i Sara dia nitodika tany amin'ny varavarankely ary nanandra-tanana hivavaka sady niteny hoe: "Ankalazaina Ianao, ry Andriamanitra mpamindrafo o; eny, ankalazaina mandrakizay ny anaranao. Aoka ny asanao rehetra hankalaza Anao mandrakizay!
12 Mitodika aminao aho ankehitriny; Ianao no ifantohan'ny masoko.
13 Ataovy miala amin'ity tany ity aho mba tsy handre fanevatevana intsony.
14 TOMPO o, fantatrao fa madio aho; tsy mbola nisy fahalotoana nataoko tamin-dehilahy.
15 Tsy mbola nalako barakana ny anarako na ny an-draikotaty amin'ny tany mahababo ahy aty. Vavy tokana aho no an-draiko; tsy nanan-janaka hafa handova izy, tsy manan-drahalahy na havana akaiky mba afaka hanambady ahy ka hitahirizako ny tenako hovelona. Efa maty vady impito aho, ka inona intsony no mbola hiainako? Raha tsy sitrakao kosa, Tompo o, ny hamela ahy ho faty, dia mba henoy hiarovanao ahy ny fanevatevana atao amiko."
16 Teo noho eo ihany ny vavaka nataon'i Tobita sy i Sara dia tafapaka teo anatrehan'Andriamanitra be voninahitra ary nohenoiny.
17 Koa ny anjely Rafaela no voairaka hanasitrana an'i Tobita sy i Sara. Tokony hataony miala teo amin'ny mason'i Tobita ny pentina fotsy mba hahitany indray ny fahazavan'Andriamanitra; i Sara zanakavavin'i Ragoela kosa tokony hataony afaka amin'i Hasmodeo ilay demony mandoza ary homeny ho vadin'i Tobia zanakalahin'i Tobita. Io Tobia io manko no manan-jo hanana azy ho vady alohan'ny olon-kafa rehetra mpiandrandra azy.