Salamo
Toko faha-29 (28)
1 Salamo nataon'i Davida. Ianareo anjely , tolory haja ny TOMPO, eny, tolory haja izy fa be voninahitra sy hery;2 Atolory Azy ny voninahitry ny anarany, ka dia miankohofa eo anatrehan'ny TOMPO rehefa miseho ny fahamasinany.
3 Andriamanitra be voninahitra no mampikotrokotroka ny orana; mitrena eny ambony rano ny feon'ny TOMPO: ny TOMPO no manapaka eny ambony ranobe.
4 Midoboka mafy ny feon'ny TOMPO, satria heni-pahefana sy be fiandrianana izy.
5 Mandripaka hazo sedera ny feon'ny TOMPO: eny, ripaky ny TOMPO ireo sederan'i Libano.
6 Ampitroariny toa zanak'omby ny tendrombohitr'i Libano; ampitroariny toa vantotr'ombimanga ny tendrombohitr'i Hermona.
7 Mampitselaka ny tselatra ny feon'ny TOMPO.
8 Mampihovotra ny taniefitra ny feon'ny TOMPO; eny, ny TOMPO no mampihovotra ny taniefitr'i Kedesa.
9 Mampangovitra ny oaka ny feon'ny TOMPO ary mampihintsan-dravina ny ala be. Ny ao an-dapan'ny Tompo samy manao hoe: "Voninahitra anie ho an'Andriamanitra!"
10 Ny TOMPO no mitoetra ho mpifehy na dia ny rano tsy hita faritra aza; mitoetra ho mpanjaka mandrakizay izy.
11 Homen'ny TOMPO hery anie ny vahoakany ka dia hotahiny hombam-piadanana!