Salamo
Toko faha-131 (130)
1 Hira fiakarana. Nataon'i Davida. TOMPO o, tsy mirehareha ny foko, tsy miandranandrana ny masoko! Tsy mikendry zava-baventy aho na zavatra ambony tsy sahaza ahy.2 Afa-po sy milamina aho toy ny zaza voky am-pofoan-dreniny; eny, toy izany zaza voky izany no fahatonian'ny foko ato amiko.
3 Aoka ny vahoaka Israely hatoky ny TOMPO manomboka izao ka ho mandrakizay!