Nehemià
Toko faha-11
1 Niorim-ponenana tao Jerosalema ireo lehiben'ny vahoaka; ary nanaovana antsapaka ny vahoaka sisa mba hahatonga ny ampahafolony honina ao Jerosalema tanana masina, fa ny sivy toko kosa dia ho any amin'ny tanana hafa.2 Nisaoran'ny vahoaka manokana ny lehilahy rehetra izay nanolo-tena honina ao Jerosalema.
3 Ireo lohandohany teo amin'ny faritany no niorim-ponenana tao Jerosalema; fa ny Israelita sarambabem-bahoaka, ny mpisorona sy ny levita, ireo mpanampy ny levita sy ireo taranaky ny mpanompon'i Salomona dia samy tao amin'ny zarataniny aman-tananany avy.
4 Kanefa niorim-ponenana tao Jerosalema koa ny olona sasany tamin'ny taranak'i Joda sy i Benjamina. Tamin'ny taranak'i Joda dia ireto avy: i Hataia, anisan'ny terak'i Peretsa noho izy zanakalahin'i Hozia sy zafin'i Zakaria sy zafiafin'i Amaria sy zafin-dohalik'i Sefatia ary zafin-kitrokelin'i Mahalalela;
5 ary i Mahaseia, anisan'ny terak'i Sela noho izy zanakalahin'i Baroka sy zafin'i Kola-Hoze sy zafiafin'i Hazaia sy zafin-dohalik'i Hadaia sy zafin-kitrokelin'i Joiariba ary zafim-paladian'i Zakaria.
6 Lehilahy olombanona 468 no tontalin'ny terak'i Peretsa tonga nonina tao Jerosalema.
7 Tamin'ny taranak'i Benjamina dia ireto avy: i Salo, zanakalahin'i Mesolama sy zafin'i Joheda sy zafiafin'i Pedaia sy zafin-dohalik'i Kolaia sy zafin-kitrokelin'i Mahaseia sy zafim-paladian'i Itiela ary zafin-dorian'i Jesahia,
8 mbamin'ireo lehilahy olombanona mpiray foko aminy: dia 928 no tontalin'ny Benjaminita.
9 I Joela, zanakalahin'i Zikry, no mpifehy azy; ary i Joda, zanakalahin'i Senaa, no lefitry ny komandin'ny tanana.
10 Tamin'ny mpisorona dia ireto avy: i Jedahia, zanakalahin'i Joiakima;
11 i Seraia, zanakalahin'i Hilkia sy zafin'i Mesolama sy zafiafin'i Tsadoka sy zafin-dohalik'i Meraiota ary zafin-kitrokelin'i Ahitoba mpisorombe;
12 ary koa lehilahy 822 iray tarika amin'i Jedahia sy i Seraia, izay mpiasa teo amin'ny fanaovana ny tranon'Andriamanitra; i Hadaia, zanakalahin'i Jerohama sy zafin'i Pelahia sy zafiafin'i Ametsy sy zafin-dohalik'i Zakaria sy zafin-kitrokelin'i Pasehora ary zafim-paladian'i Malkia,
13 ary koa lehilahy 242 iray tarika amin'i Hadaia, izay samy loham-pianakaviana avy; i Hamasay, zanakalahin'i Hazarela sy zafin'i Ahezay sy zafiafin'i Meselemota ary zafin-dohalik'i Imera,
14 ary koa lehilahy tomady 128 iray tarika amin'i Hamasay, ka ny mpifehy azy dia i Zabdiela zanakalahin'i Gedolima.
15 Tamin'ny levita dia ireto avy: i Semahia, zanakalahin'i Hasoba sy zafin'i Hazrikama sy zafiafin'i Hasabia ary zafin-dohalik'i Bony;
16 i Sabetahy sy i Jozabada, anisan'ny lohandohan'ny levita sady tonian'ny raharaha teo ivelan'ny tranon'Andriamanitra;
17 i Matania zanakalahin'i Mika sy zafin'i Zabdy ary zafiafin'i Asafa ka izy no mpiventy ny hira fiderana amin'ny fotoam-pivavahana; i Bakbokia rahalahin'i Matania sady mpanampy azy amin'ny hira; ary i Habda, zanakalahin'i Samoa sy zafin'i Galala ary zafiafin'i Jedotona.
18 Ny levita rehetra, tao amin'ny tanana masina, dia 284.
19 Ny mpiandry varavarana dia i Hakoba sy i Talmona mbamin'ny namany izay niambina ny vavahady, ka 172 no isany.
20 Ny sisa tamin'ny Israelita sy ny mpisorona ary ny levita dia teny amin'ny tanana rehetra tao Joda, samy teo amin'ny zarataniny avy.
21 Fa ireo mpanampy ny levita dia nonina teo amin'ny faritr'i Hofela, ka i Tsiha sy i Gispa no nifehy azy.
22 Ny mpifehy ny levita tao Jerosalema dia i Hozy, zanakalahin'i Bany sy zafin'i Hasabia sy zafiafin'i Matania ary zafin-dohalik'i Mika; i Hozy dia anisan'ny tarik'i Asafa, ilay tarika mpihira miadidy ny fanompoana ao an-tranon'Andriamanitra.
23 Fa nisy didin'ny mpanjaka ny amin'ireo mpihira ireo, dia ny handraiketana izay anjara asa hataony isan'andro.
24 I Petahia, zanakalahin'i Mesezabela sady anisan'ny terak'i Zera zanakalahin'i Joda, dia teo anilan'ny amperora mba hiandraikitra ny raharaha rehetra momba ny vahoaka israelita.
25 Ny sasany tamin'ny taranak'i Joda dia nonina tany amin'ireto tanana teny anivon-tsaha ireto: i Kiriata-Arba sy ireo tanana kely miankina aminy, i Dibona sy ireo tanana kely miankina aminy, i Kabitseela sy ny tanana mifanila aminy,
26 i Jesoa, i Molada, i Bety-Peleta,
27 i Hatsary-Sohaly, i Beera-Seba sy ireo tanana kely miankina aminy,
28 i Tsiklaga, i Mekona sy ireo tanana kely miankina aminy,
29 i Haina-Rimona, i Tsoreha, i Jarmota,
30 i Zanoa, i Hadolama sy ny tanana mifanila aminy, i Lakisy sy ny saha manodidina azy, i Hazeka sy ireo tanana kely miankina aminy. Nonina hatrany Beera-Seba any atsimo ka hatramin'ny lohasahan'i Hinoma any avaratra ireo taranak'i Joda ireo.
31 Ny sasany tamin'ny taranak'i Benjamina kosa dia nonina tamin'ireto tanana ireto: i Geba, i Mikmasy, i Haia, i Betela sy ireo tanana kely miankina aminy,
32 i Hanatota, i Noba, i Hanania,
33 i Hatsora, i Rama, i Gitaima,
34 i Hadida, i Tsebohima, i Nebalato,
35 i Loda, i Onao ary ny lohasahan'ny mpahay taozavatra.
36 Tamin'ireo levita, dia nisy ankolafiny tao Joda lasa nankany Benjamina.