2 Tantara
Toko faha-27
1 Feno 25 taona i Jotama fony izy tonga mpanjaka; ary naharitra 16 taona no nanjakany toa Jerosalema. Ny anaran-dreniny dia i Jerosa zanakavavin'i Tsadoka.2 Nanao izay mahitsy eo imason'ny TOMPO i Jotama, tahaka izay nataon'i Hozia rainy, kanefa tsy mba niditra tao amin'ny Toeramasin'ny TOMPO. Saingy mbola niharatsy toetra ihany ny vahoaka.
3 I Jotama no nanamboatra ny vavahady ambony tamin'ny tranon'ny TOMPO sady nanatontosa rafitra be tamin'ny mandan'i Hofela.
4 Nanorenany tanana teny amin'ny havoan'i Joda ary nanaovany trano fiarovana sy tilikambo tany an'ala.
5 Niadian'i Jotama ny mpanjakan'ny Hamonita ka resiny. Tamin'io taona io no nanomezan'ny Hamonita azy volafotsy telo taonina sy varimbazaha telo taonina ary vary orza telo taonina; dia mbola izany ihany koa no naloan'izy ireo tamin'ny taona roa manaraka.
6 Nitombo hery hatrany i Jotama noho izy tsara fitondrantena teo anatrehan'ny TOMPO Andriamaniny.
7 Ny sisa amin'ny tantaran'i Jotama mbamin'ny adiny rehetra sy ny zava-bitany dia indreo efa voasoratra ao amin'ny Bokin'ny mpanjakan'i Israely sy i Joda izany.
8 Feno 25 taona izy fony tonga mpanjaka; ary naharitra 16 taona no nanjakany tao Jerosalema.
9 Rehefa lasa nodimandry any amin'ny razany kosa i Jotama, dia nalevina taoan-Tananan'i Davida; ary i Ahaza zanany lahy no nanjaka nandimby azy.