1 Tantara

Toko faha-26

¹ Ny amin'ny mpiandry vavahady, dia izao no fitsinjarana azy ho antokony: Tamin'ny taranak'i Kora dia i Meselemia zanakalahin'i Kora sady zafin'i Abiasafa.

² Nisy fito lahy ny an'io Meselemia io ny zanany: dia i Zakaria lahimatoa, i Jedihaela lahiaivo, i Zebadia fahatelo, i Jatniela fahefatra,

³ i Helama fahadimy, i Johanana fahenina, ary i Eliohenay faralahy.

⁴ Ny an'i Hobeda-Edoma dia nisy valolahy ny zanany: i Semahia lahimatoa, i Jozabada lahiaivo, i Joa fahatelo, i Sakara fahefatra, i Natanaela fahadimy,

⁵ i Hamiela fahenina, i Jisakara fahafito, i Peholetahy faralahy; fa Andriamanitra efa nitahy an'i Hobeda-Edoma.

⁶ I Semahia zanany dia niteraka zazalahy maromaro izay samy olom-banona ka tonga mpanapaka tao amin'ny isam-pianakaviany avy.

⁷ Ny zanakalahin'i Semahia dia i Hotny sy i Refaela ary i Hobeda sy i Elzabada mbamin'ireo rahalahiny anankiroa izay samy olom-banona, dia i Eliho sy i Semakia.

⁸ Anisan'ny taranak'i Hobeda-Edoma ireo rehetra ireo. Ny taranaka omban-janaka sy havana dia nisy 62 lahy ny an'i Hobeda-Edoma no mpiandry vavahady: samy olom-banona avokoa sady mahery fo amin'ny fanompoany.

⁹ Ny an'i Meselemia dia nisy 18 lahy ny zanany sy ny havany no mpiandry vavahady: samy olom-banona avokoa.

¹⁰ Ny an'i Hosa, izay anisan'ireo taranak'i Merary, dia nisy efa-dahy ny zanany: i Simry no voalohany (tsy lahimatoa izy kanefa nataon-drainy lohalaharana),

¹¹ i Hilkiafaharoa, i Tebalia fahatelo ary i Zakaria fahefatra. Ny an'i Hosa dia nisy 13 lahy ny zanany sy ny havany rehetra no mpiandry vavahady.

¹² Anjaran'ny antokon'ireo mpiandry vavahady sy anjaran'ny filohan'ireo vatan-dehilahy ireo ny manao fanompoana ao an-tranon'ny TOMPO, teo anilan'ireo levita rahalahiny.

¹³ Nanao antsapaka izy rehetra, na ny kely na ny lehibe, araka ny fianakaviany, ny amin'ny vavahady hambenany avy.

¹⁴ Ny amin'ny vavahady atsinanana, dia azon'i Selemia ny antsapaka. Ny amin'ny vavahady avaratra, dia i Zakaria zanany, izay mpanolotsaina hendry, no niantefan'ny antsapaka natao.

¹⁵ Ny amin'ny vavahady atsimo, dia azon'i Hobeda-Edoma, ary ny amin'ny trano fitahirizana entana, dia azon'ireo zanany.

¹⁶ Ny amin'ny vavahady andrefana mbamin'ilay vavahady atao hoe Saleketa izay eo an-tampon'ny lala-miakatra dia azon'ny Hosa. Nisy anjara fiambenana nifandimbiasana:

¹⁷ ka tamin'ny vavahady atsinanana, nisy levita enina isan'andro; tamin'ny vavahady avaratra, nisy levita efatra isan'andro; tamin'ny vavahady atsimo, nisy levita efatra isan'andro; tamin'ny trano fitahirizana entana, nisy sokajy anankiroa samy levita roa avy,

¹⁸ tamin'ny trano fanampiny , teo andrefana, nisy levita efatra ho an'ny lalana ary nisy levita roa ho an'ny trano.

¹⁹ Dia ireo no antokon'ny mpiandry vavahady tamin'ny taranak'i Korasy tamin'ny taranak'i Merary.

²⁰ Ny levita naman'ireo kosa dia nisy mpiandraikitra ny zavatra sarobidy tao an-tempolin'Andriamanitra, zavatra sarobidy izay voatokana ho an'Andriamanitra.

²¹ Tamin'ny taranak'i Lahadana, ilay Lahadana zanakalahin'i Gersona, dia i Jehiely

²² sy ireo zanakalahin'i Jehiely, ary koa i Zetama sy i Joela rahalahin'i Jehiely, samy loham-pianakaviany avy, no mpiandraikitra ny zavatra sarobidy tao an-tranon'ny TOMPO.

²³ Ho an'ny Hamramita sy Jitseharita ary Hebronita sy Hozielita,

²⁴ dia i Sobaela, zanakalahin'i Gersoma sy zafin'i Mosesy, no mpiandraikitra ny zavatra sarobidy.

²⁵ Ny havan'i Sobaela, avy amin'i Elihezera (rahalahin'i Gersoma), dia ireto avy: i Rehabia zanakalahin'i Elihezera, i Jesahia zanakalahin'i Rehabia, i Jorama zanakalahin'i Jesahia, i Zikry zanakalahin'i Jorama, ary i Selomota zanakalahin'i Zikry.

²⁶ Io Selomota io sy ny havany no mpiandraikitra ny zavatra sarobidy voatokana ho an'Andriamanitra, dia ireo zavatra natokan'i Davida mpanjaka sy ireo loham-pianakaviany ary ny komandin-tafika mpifehy arivo sy mpifehy zato.

²⁷ Tamin'ny fitaovana azon'ireo tamin'ny ady mantsy no nisy nanokanany mba hoenti-miahy ny tranon'ny TOMPO.

²⁸ Ny zavatra rehetra, natokan'i Samoela mpaminany manam-pahitana sy natokan'i Saoly zanakalahin'i Kisy ary natokan'Abinera zanakalahin'i Nera sy natokan'i Joaba zanakalahin'i Tseroia ho an'Andriamanitra, dia i Selomota sy ny havany no mpiandraikitra ny fitahirizana azy.

²⁹ Tamin'ny taranak'i Jitsehara, dia i Kenania sy ny zanany no voatendry hanao ny raharaha fandaminana teo amin'i Israely, ka ho mpifehy sy mpitsara.

³⁰ Tamin'ny taranak'i Hebrona, dia i Hasabia sy ny havany, izay nisy olom-banona 1700 lahy, no mpifehy ny faritr'i Israely andrefan'i Jordana amin'ny raharaha rehetra momba ny TOMPO sy momba ny fanompoana ny mpanjaka.

³¹ Tamin'ny taranak'i Hebrona, dia i Jeria no filoha; ny taona fahefapolo nanjakan'i Davida no nanaovana fikarohana ny amin'ny taranak'i Hebrona araka ny tetiarana isam-pianakaviana, ka nahitana vatan-dehilahy olom-banona tao Jahizera any Gilehada.

³² I Jeria mbamin'ny havany dia nisy 2700 lahy,samy olom-banona loham-pianakaviany avy, ka notendren'i Davida mpanjaka hifehy ny Reobenita sy ny Gadita ary ny antsasam-pokon'i Manase amin'ny raharaha rehetra momba an'Andriamanitra sy momba ny mpanjaka.