1 Tantara
Toko voalohany
1 I Adama no rain'i Seta; i Seta no rain'i Enosa;2 i Enosa no rain'i Kenana; i Kenana no rain'i Mahalalela; i Mahalalela no rain'i Jareda,
3 i Jareda no rain'i Henoka; i Henoka no rain'i Metosela; i Metosela no rain'i Lameka; ary i Lameka no rain'i Noa.
4 Ny zanakalahin'i Noa dia i Sema sy i Hama ary i Jafeta.
5 Ny zanakalahin'i Jafeta dia i Gomera sy i Magoga, i Maday sy i Javana, i Tobala, i Meseka ary i Tirasa.
6 Ny zanakalahin'i Gomera dia i Askenaza sy i Difata ary i Togarma.
7 Ny zanakalahin'i Javana dia i Elisa sy i Tarsisy ary i Kitima sy i Rodanima.
8 Ny zanakalahin'i Hama dia i Kosy sy i Mitsiraima ary i Pota sy i Kanahana.
9 Ny zanakalahin'i Kosy dia i Seba sy i Havila, i Sabta sy i Rahema ary i Sabteka; ny zanakalahin'i Rehama dia i Seba sy i Dedana.
10 I Kosy koa no ray niteraka an'i Nimroda izay nanjary lehilahy mahery mpanapaka voalohany teto ambonin'ny tany.
11 I Mitsiraima no razambe nipoiran'ny Lodita sy ny Hanamita, ny Lehabita sy ny Neftohita,
12 ny Patrosita sy ny Kaslohita ary ny Kaftorita; ka ny Kaftorita no niavian'ny Filistinina.
13 I Kanahana no ray niteraka an'i Tsidona (lahimatoany) sy i Heta;
14 i Kanahana koa no razambe nipoiran'ny Jebosita sy ny Amorita, ny Girgasita
15 sy ny Hivita, ny Harkita sy ny Sinita,
16 ny Arvadita sy ny Tsemarita ary ny Hamatita.
17 Ny zanakalahin'i Sema dia i Helama sy i Asora, i Arama sy i Arpaksada, i Loda sy i Arama, i Hotsa sy i Hola ary i Getera sy i Meseka.
18 I Arpaksada no ray niteraka an'i Kaina; i Kaina no ray niteraka an'i Sala; i Sala no ray niteraka an'i Hebera.
19 i Hebera niteraka zanaka roa lahy: ny anaran'ny voalohany dia i Pelega (izay midika hoe Fizarana) satria tamin'ny androny no nizara ny olombelona teto an-tany; ary i Joktana no anaran'ny rahalahiny.
20 I Joktana no ray niteraka an'i Almodada sy i Salefa, i Hatsarmavety sy i Jara,
21 i Hadorama sy i Ozala, i Dikla
22 sy i Hebala, i Abimaela sy i Seba
23 mbamin' i Ofira sy i Havila ary i Jobaba: ireo no zanakalahin'i Joktana.
24 I Sema no rain'i Arpaksada; i Arpaksada no rain'i Sela;
25 i Sela no rain'i Hebera; i Hebera no rain'i Pelega; i Pelega no rain-dReho;
26 i Reho no rain'i Seroga; i Seroga no rain'i Nahora; i Nahora no rain'i Tera;
27 i Tera no rain'i Abrama izay hantsoina koa hoe Abrahama.
28 Ny zanakalahin'i Abrahama dia i Itsehaka sy i Jismahela.
29 Ireto avy no taranak'izy telo mianaka: I Nebaiota no lahimatoan'i Jismahela, dia i Kedara sy i Abdeola, i Mibsama
30 sy i Misma, i Doma sy i Masa, i Hadada
31 sy i Jetora ary i Nafisa sy i Kedma: ireo no zanakalahin'i Jismahela.
32 Ny zanakalahy naterak'i Ketora, vadikelin'i Abrahama, dia i Zimrana, i Joksana, i Medana, i Midiana, i Jisbaka ary i Soha. Ny zanakalahin'i Joksana dia i Seba sy i Dedana.
33 Ny zanakalahin'i Midiana dia i Hefa sy i Hefera, i Hanoka sy i Abida ary i Eldaha. Ireo rehetra ireo no taranak'i Ketora.
34 I Abrahama no ray niteraka an'i Itsehaka. Ny zanakalahin'i Itsehaka dia i Hesao sy i Israely.
35 Ny zanalahin'i Hesao dia Elifaza sy i Rehoela, i Jehisa sy i Jahelama ary i Kora.
36 Ny zanakalahin'i Elifaza dia i Temana sy i Omara, i Tsefao sy i Gahetama, i Kenaza sy i Timna ary i Hamaleka.
37 Ny zanakalahin-dRehoela dia i Nahata sy i Zera ary i Sama sy i Mizra.
38 Ny zanakalahin'i Sehira dia i Lotana sy i Sobala, i Tsibehona (izay rain'i Hana sady raiben'i Disona), i Etsera ary i Disana.
39 Ny zanakalahin'i Lotana dia i Hory sy i Homana. I Lotana dia nanana anabavy atao hoe Timna.
40 Ny zanakalahin'i Sobala dia i Haliana sy i Manahata, i Hebala sy i Sefao ary i Onama. Ny zanakalahin'i Tsibehona dia i Aia sy i Hana.
41 Ny zanakalahin'i Hana dia i Disona; ny zanakalahin'i Disona dia i Hamrana sy i Esbana ary i Jitrana sy i Kerana.
42 Ny zanakalahin'i Etsera dia i Bilehana sy i Zahavana ary i Jahakano. Ny zanakalahin'i Disana dia i Hotsy sy i Arana.
43 Ary ireto kosa ny mpanjaka izay nanjaka tao amin'ny tany Edoma talohan'ny nanjakana mpanjaka tamin'ny Israelita: i Bela zanakalahin'i Behora, ka i Dinihaba no anaran'ny tanana fiaviany.
44 Rehefa maty i Bela, dia nanjaka nandimby azy i Jobaba, zanakalahin'i Zera, avy ao Botsera.
45 Rehefa maty i Jobaba, dia nanjaka nandimby azy i Hosama avy amin'ny tanin'ny Temanita.
46 Rehefa maty i Hosama, dia nanjaka nandimby azy i Hadada zanakalahin'i Bedada, ka i Havita no anaran'ny tanana fiaviany: izy no namely ny Midianita tao amin'ny tanin'i Moaba.
47 Rehefa maty i Hadada, dia nanjaka nandimby azy i Samla avy any Masreka.
48 Rehefa maty i Samla, dia nanjaka nandimby azy i Saoly avy any Rehobota amoron'ny renirano.
49 Rehefa maty i Saoly, dia nanjaka nandimby azy i Bahala-Hanana zanakalahin'i Hakbora.
50 Rehefa maty i Bahala-Hanana, dia nanjaka nandimby azy i Hadada; ka i Paho no anaran'ny tanana fiaviany, ary i Mehetabeela no anaran'ny vadiny, zanakavavin'i Matreda sady zafikelin'i Me-Zahaba.